Երկու թուրք զինծառայող զոհվել է շաբաթ օրը Սիրիայի հյուսիսում գտնվող Իդլիբ նահանգում անհայտ անձանց հարձակման արդյունքում: Այս մասին հայտնել է Թուրքիայի պաշտպանության նախարարությունը:
«Իդլիբի ապաէսկալացման գոտում 2021 թվականի սեպտեմբերի 11-ին, մեր ստորաբաժանումների վրա հարձակման հետևանքով կատարված որոնողական-հետախուզական գործողությունների ընթացքում մեր երկու զինծառայողներ են զոհվել: Եվս երեք զինվորական վիրավորվել է, նրանք տեղափոխվել են հիվանդանոց», նշվում է տարածված հայտարարության մեջ:
Yeni Safak թերթը պնդում է, որ հարձակման հետևում կանգնած են «Քրդստանի աշխատավորական կուսակցություն» անջատողական կազմակերպության անդամները:
