Եվրամիությունը պաղեստինյան տարածքներում իսրայելական բոլոր բնակավայրերն անօրինական է համարում և չի ճանաչի դրանք, երկուշաբթի օրը հայտարարել է ԵՄ ներկայացուցիչը։
Ավելի վաղ հաղորդվել էր, որ Իսրայելի իշխանությունները Հորդանան գետի Արևմտյան ափի պաղեստինյան տարածքների հրեական բնակավայրերում ավելի քան 1,3 հազար բնակարանների կառուցման տենդերների մասին են հայտարարել։ Ընդհանուր առմամբ կկառուցվի 1355 բնակարան, հայտնում է ՌԻԱ գործակալությունը։
«Ըստ միջազգային իրավունքի՝ բնակավայրերն անօրինական են և հանդիսանում են երկու պետությունների համակեցության վրա հիմնված կարգավորման և երկու կողմերի միջև տևական ու համապարփակ խաղաղության հասնելու գլխավոր խոչընդոտը»,- ասվում է ԵՄ ներկայացուցչի հայտարարության մեջ։
