Գերմանիան, ըստ էության, արդեն իսկ լիարժեք մասնակից է ուկրաինական հակամարտությանը, և եթե կան տեղեկություններ Ռուսաստանի տարածք հեռահար հրթիռների արձակմանը գերմանացի զինծառայողների մասնակցության մասին, Մոսկվան կարող է ցանկացած որոշում ընդունել պատասխան գործողությունների վերաբերյալ: Այս մասին հայտարարել է Ռուսաստանի Անվտանգության խորհրդի փոխնախագահ Դմիտրի Մեդվեդևը, տեղեկացնում է ՌԻԱ Բովոստի-ն:
Մեդվեդևը, պատասխանելով ՌԻԱ Նովոստի-ի հարցին, ըստ որի՝ արդյոք Ռուսաստանի տարածքում հեռահար հրթիռային հարվածները կնշանակե՞ն Գերմանիայի անմիջական մասնակցություն ուկրաինական հակամարտությանը, մասնավորապես, ասել է. «Գերմանիան արդեն իսկ հակամարտության մասնակից է. նրա տեխնիկան և մասնագետները անմիջականորեն պատերազմի մեջ են Ռուսաստանի հետ։ Եվ սրանք միայն ռազմական մատակարարումներ չեն։ Ըստ էության, սա լիարժեք, այլ ոչ թե հիբրիդային մասնակցություն է ռազմական հակամարտությանը։
Այսպիսով, Գերմանիան կրկին Ռուսաստանի թշնամին է, կրկին մասնակցում է պատերազմին՝ առաջնորդվելով իրենց իսկ ստեղծած նացիստական գաղափարախոսությամբ, իսկ Մերցը Վերմախտում կռված իր հարազատների հավատարիմ ժառանգն է:
Եթե տեղեկություններ կան, որ գերմանացի ռազմական մասնագետները մասնակցում են Ռուսաստանի տարածք հեռահար հրթիռների արձակմանը, կարող է պատասխան գործողությունների վերաբերյալ ցանկացած որոշում ընդունվել… Դա Գերագույն գլխավոր հրամանատարի իրավասության շրջանակում է։ Ոչ ոք չի կարող արգելափակել մեր երկրի լիարժեք պաշտպանության իրավունքը, և դա բազմիցս ընդգծել է մեր պետության ղեկավարը»:
