Օդագնացության և տիեզերական տարածության հետազոտությունների ազգային գործակալությունը (NASA) առաջին անգամ փորձարկելու է Երկիր մոլորակի պաշտպանությունը պոտենցիալ վտանգավոր աստերոիդներից: Washington Post-ի փոխանցմամբ, ԱՄՆ տիեզերական գործակալությունը նախատեսում է նոյեմբերին հատուկ զոնդով հրթիռ արձակել, որը պետք է բախվի աստղակերպի հետ և փոխի դրա ուղեծիրը:
Կալիֆորնիայի Վանդենբերգ տիեզերական ռազմակայանից DART զոնդով SpaceX–ի Falcon 9 կրիչ հրթիռի արձակումը նախատեսված է նոյեմբերի 24-ին:
