Թուրքիայի բժիշկները չինական CoronaVac կորոնավիրուսի պատվաստանյութի արդյունավետությունը գնահատում են 83,5%: Այդ մասին վկայում են մայրաքաղաքի Հաջեթեփ համալսարանի հրապարակած տվյալները, հաղորդում է ՏԱՍՍ-ը:
Հոկտեմբերին Թուրքիայում սկսվեց պատվաստանյութերի ուսումնասիրությունների երրորդ փուլը: CoronaVac-ի արդյունավետության ցուցանիշը կազմել է 83,5%: Հետազոտության արդյունքները ցույց են տվել նաև, որ այն 100%-ով նվազեցնում է կորոնավիրուսով վարակված հիվանդի հոսպիտալացման ռիսկը:
Միևնույն ժամանակ, պատվաստանյութերի արտադրող Sinovac Biotech դեղագործական ընկերությունը երկու չափաբաժիններից հետո CoronaVac-ի արդյունավետությունը գնահատում է 62,3%, իսկ միջակայքը պետք է լինի 28 օր:
