Ռուսաստանի նախագահ Վլադիմիր Պուտինը և նրա բելառուս գործընկեր Ալեքսանդր Լուկաշենկոն ավարտել են բանակցությունները Ռուսաստանի առաջնորդի Սոչիի նստավայրում: Այս մասին հայտնում է ՌԻԱ «Նովոստի»-ն:
Բանակցությունները տևել են 5 ժամ 15 րոպե:
Կրեմլի մամուլի ծառայության հաղորդմամբ՝ Պուտինը և Լուկաշենկոն քննարկել են երկկողմ կապերի հետագա զարգացումը և գործընկերությունը պետությունների միջև առևտրատնտեսական, էներգետիկ, մշակութային և հումանիտար ոլորտներում:
Նշենք, որ այս չնախատեսված հանդիպումը տեղի է ունեցել Բելառուսի կողմից ապօրինաբար իջեցված Ryanair ինքնաթիռի միջադեպի ֆոնին` ընդդիմադիր լրագրող ձերբակալելու նպատակով։ Դրանից հետո ԵՄ-ն և ԱՄՆ-ը քննադատել էե Բելառուսին՝ թույլ չտալով բելառուսական ինքնաթիռներին թռչել իրենց օդային տարածքներով և սպառնալով պատժամիջոցներով։
