Ռուսաստանը դատապարտում է Իսրայելի օդային հարվածները Սիրիայի ուղղությամբ: ՏԱՍՍ-ի հաղորդմամբ, այս մասին հայտարարել է ՄԱԿ-ում Ռուսաստանի Դաշնության մշտական ներկայացուցիչ Վասիլի Նեբենզյան:
«Մենք դատապարտում ենք Իսրայելի կողմից Սիրիայի տարածքում ավիահարվածները, որոնց թիվն ավելանում է», ասել է նա համաշխարհային կազմակերպության Անվտանգության խորհրդում ելույթի ժամանակ:
Նեբենզյան ավելացրել է, որ նման գործողությունները «լրջորեն բարդացնում են Սիրիայում և ամբողջ տարածաշրջանում իրավիճակի կայունացման ջանքերը»։ Նա նշել է, որ ռուսական կողմի կարծիքով, «սիրիական հակամարտությունը ռազմական լուծում չունի»:
Սիրիայի տարածքում վերջին օդային հարվածը Իսրայելի ռազմաօդային ուժերն իրականացրել են հունիսի սկզբին։ Հարվածների արդյունքում, ըստ Al Hadath հեռուստաալիքի, զոհվել է 10 մարդ:
