Ռուսաստանի նախագահ Վլադիմիր Պուտինը վերջին տարիներին Ռուսաստանի ու Ուկրաինայի միջև «պատի» առաջացումն ընդհանուր դժբախտություն է անվանում իր «Ռուսների և ուկրաինացիների պատմական միասնության մասին» հոդվածում, որը հրապարակվել է Կրեմլի կայքում:
«Ես կցանկանայի միանգամից շեշտել, որ Ռուսաստանի և Ուկրաինայի միջև վերջին տարիներին առաջացած պատը, փաստորեն, մեկ պատմական և հոգևոր տարածքի հատվածների միջև, ես ընկալում եմ որպես մեծ ընդհանուր դժբախտություն, որպես ողբերգություն: Սրանք առաջին հերթին տարբեր ժամանակահատվածներում թույլ տրված սեփական սխալների հետևանքներն են: Բայց նաև այն ուժերի նպատակային աշխատանքի արդյունքը, որոնք միշտ փորձել են խաթարել մեր միասնությունը», ասվում է հոդվածում: Ռուսաստանի նախագահը նշում է, որ ուկրաինական վերնախավի ներկայացուցիչները երկրի անկախությունը հիմնավորել են անցյալը ժխտելու և պատմությունը վերաշարադրելու միջոցով:
