Պուտինը և Թրամփը զրուցել են մոտ մեկ ժամ՝ քննարկելով, ի թիվս այլ հարցերի, նաև Ուկրաինայի հարցը. հայտնել է Ռուսաստանի նախագահի օգնական Յուրի Ուշակովը։
Նրա խոսքով՝ Թրամփը կրկին բարձրացրել է ռազմական գործողությունների անհապաղ դադարեցման հարցը։ Պուտինը նշել է, որ հակամարտության լուծման որոնումները շարունակվում են քաղաքական բանակցությունների միջոցով։
Պուտինը Թրամփին ասել է, որ Ռուսաստանը կհասնի իր նպատակներին և չի նահանջի դրանցից։
«Ընդհանուր առմամբ, երկու առաջնորդների միջև զրույցը եղել է անկեղծ, գործնական և կոնկրետ։ Նախագահները, բնականաբար, կշարունակեն իրենց շփումը», – հայտնել է Ուշակովը։
