Ռուսաստանի նախագահ Վլադիմիր Պուտինը երեքշաբթի Պետդումա է ներկայացրել «Բաց երկնքի մասին պայմանագիրը» չեղարկող օրինագիծ: Համապատասխան ծանուցումը հրապարակվել է Դումայի էլեկտրոնային տվյալների բազայում:
«Դենոնսացնել Բաց երկնքի մասին պայմանագիրը, որը ստորագրվել է Հելսինկի քաղաքում 1992 թվականի մարտի 24-ին», ասված է նախագծի տեքստում:
Բացատրական գրության մեջ նշվում է, որ պայմանագիրը «նպաստել է ռազմական ոլորտում վստահության զգալի ամրապնդմանը», և Ռուսաստանը նշանակալի ներդրում է ունեցել դրա իրականացման գործում, ամեն տարի հյուրընկալել և իրականացրել է մեծ թվով դիտորդական թռիչքներ:
Ռուսաստանը կարող է ավարտել պայմանագրից դուրս գալու ներքին ընթացակարգերը մինչև 2021 թվականի ամառ: Եթե Վաշինգտոնը մինչ այդ պահը չտեղեկացնի Մոսկվային համաձայնագրին իր մասնակցությունը վերսկսելու պատրաստակամության մասին, ապա Ռուսաստանի Դաշնությունը Հունգարիային և Կանադային կուղարկի պայմանագրից դուրս գալու նոտա:
