Չինաստանի իշխանությունները որոշում են կայացրել թույլ տալ ընտանիքներին ունենալ երեք երեխա: Այս մասին երկուշաբթի օրը հայտնել է «Սինհուա» լրատվական գործակալությունը: Որոշումն ընդունվել է ՔՊԿ կենտրոնական կոմիտեի քաղբյուրոյի նիստից հետո: Այս միջոցառման ուժի մեջ մտնելու ամսաթիվը չի նշվել:
1970-ականների կեսերից ՉԺՀ-ն վարում է ծնելիության մակարդակը սահմանափակող կոշտ քաղաքականություն: Առանձին բացառություններով, ընտանիքներին թույլատրվում էր ունենալ միայն մեկ երեխա: Այս կանոնը խախտելու դեպքում ծնողների նկատմամբ բարձր տուգանքներ էին կիրառվում: Նրանք ենթարկվում էին նաև այլ լուրջ պատժամիջոցների՝ ներառյալ պետական ծառայությունից հեռացումը և Չինաստանի կոմունիստական կուսակցության շարքերից հեռացումը:
