ՆԱՏՕ-ն պատրաստ է շփումների Ռուսաստանի հետ, եթե Մոսկվան դրան պատրաստ լինի, ասել է դաշինքի գլխավոր քարտուղար Յենս Ստոլտենբերգը Պաշտպանության նախարարների մակարդակով Հյուսիսատլանտյան խորհրդի նիստից առաջ կայացած մամլո ասուլիսում։ Նիստը տեղի կունենա հոկտեմբերի 21-ին և 22-ին Բրյուսելում:
«Մենք պատրաստ ենք հանդիպել Ռուսաստանի Դաշնության հետ, հենց նման ցանկություն արտահայտվի նրանց կողմից … Երբ կա այսպիսի լարվածություն, հատկապես կարևոր է հանդիպել և անցկացնել բաց երկխոսություն, քննարկել Ռուսաստանի հետ փոխգործակցության բոլոր հնարավորությունները, այդ թվում՝ Ռուսաստան-ՆԱՏՕ խորհրդի շրջանակներում»,- ասել է Ստոլտենբերգը:
