ՆԱՏՕ-ի պաշտպանության նախարարները հոկտեմբերի 21-22-ին կայանալիք հանդիպման ժամանակ կգնահատեն ռուսական հրթիռային և միջուկային ներուժի հնարավորությունները, ներառյալ գերձայնային հրթիռները: Այդ մասին հայտարարել է Հյուսիսատլանտյան դաշինքի գլխավոր քարտուղար Յենս Ստոլտենբերգը: «Մենք նաև կգնահատենք մեր արձագանքը ռուսական միջուկային հրթիռային համակարգերի սպառնալիքին», – նրա խոսքերը հայտնում է ՏԱՍՍ-ը:
Ստոլտենբերգը նշել է, որ դաշինքն աջակցում է ԱՄՆ-ի և Ռուսաստանի միջև սպառազինությունների վերահսկման պայմանագրերի շուրջ երկխոսությանը, սակայն կարծում է, որ ապագայում անհրաժեշտ է ստեղծել այնպիսի մեխանիզմներ, որոնք կներառեն Չինաստանը և միջուկային այլ տերություններ:
