Մոսկվայի բնակիչները կարող են հուլիսի 1-ից վերապատվաստվել COVID-19-ի դեմ «Առողջ Մոսկվա» ութ տաղավարներից մեկում: Այս մասին հինգշաբթի օրը հայտարարել է Մոսկվայի քաղաքապետ Սերգեյ Սոբյանինը: Մայրաքաղաքում առկա են Սպուտնիկ V և Սպուտնիկ Լայթ պատվաստանյութերը:
Կարելի է ընտրել դրանցից որևէ մեկը, անկախ նրանից, թե քաղաքացին առաջին անգամ ինչ պատվաստանյութով է պատվաստվել, հստակեցրել է Սոբյանինը: Նա քաղաքացիներին հորդորել է չթերագնահատել COVID-19-ից լրացուցիչ պաշտպանություն ստանալու հնարավորությունը:
Նրա խոսքով՝ անհրաժեշտ է պատվաստվել նոր ագրեսիվ «դելտա» շտամի տարածման պայմաններում, որի պատճառով շատ մարդկանց մոտ հիվանդությունն ավելի բարդ է ընթանում: «Ինքս պատվաստվել եմ արդեն երկրորդ անգամ», Սոբյանինի խոսքերը հաղորդում է ՏԱՍՍ-ը:
