ՄԱԿ-ի Անվտանգության խորհուրդը Կորեական թերակղզում հրթիռների արձակման առնչությամբ հանդիպում կանցկացնի: Այդ մասին ՏԱՍՍ-ին հայտնել է կազմակերպության աղբյուրը: Հանդիպումը կիրականացվի Ֆրանսիայի և Էստոնիայի նախաձեռնությամբ:
Անվտանգության խորհրդի նախագահ, Իռլանդիայի մշտական ներկայացուցիչ Բեռն Նեյսոնը լրագրողներին հաստատել է Կորեական թերակղզում իրավիճակի վերաբերյալ հանդիպումը: «Կքննարկենք նաև ԿԺԴՀ-ի վերջին հրթիռային փորձարկումը», – ասել է նա:
Չորեքշաբթի օրը Հյուսիսային Կորեան երկու բալիստիկ հրթիռ էր արձակել Ճապոնական ծովի ուղղությամբ: Նույն օրը, Yonhap-ը, վկայակոչելով Հարավային Կորեայի նախագահի աշխատակազմին, հայտնել էր, որ Կորեայի Հանրապետությունն առաջին անգամ իրականացրել է սուզանավից բալիստիկ հրթիռի փորձնական արձակում:
