Ղազախստանի նախագահ Կասիմ-Ժոմարտ Տոկաևը օգոստոսի 29-ը հայտարարել է ազգային սգո օր: Այդ մասին երկրի ղեկավարը հայտնել է շաբաթ օրը Twitter-ի իր էջում:
«Ժամբիլի մարզի Բայզակ շրջանում տեղի ունեցած ողբերգական միջադեպի կապակցությամբ, որը հանգեցրեց մարդկանց մահվան, օգոստոսի 29-ը հայտարարում եմ որպես ազգային սգո օր», – գրել է նախագահը: «Զոհված զինծառայողներն ու փրկարարները իսկական հերոսություն ու նվիրում ցուցաբերեցին: Նրանք հավերժ կմնան ժողովրդի հիշողության մեջ»:
Ավելի վաղ՝ օգոստոսի 26-ին, Բայզակ շրջանում տեղակայված զորամասում հրդեհ էր բռնկվել պահեստներից մեկի մոտակայքում:
