Հունգարիայի վարչապետի աշխատակազմի ղեկավար Վիկտոր Օրբանի գրասենյակի ղեկավար Զոլտան Կովաչը X-ում գրել է. «Հունգարիան դուրս է գալիս Միջազգային քրեական դատարանից: Նախարար Գերգելի Գուլյասն ասել է, որ կառավարությունը որոշել է դուրս գալ ՄՔԴ-ից»։
Որոշումը համընկել է Իսրայելի վարչապետ Բենիամին Նեթանյահուի Բուդապեշտ կատարած այցի և Հունգարիայի վարչապետ Վիկտոր Օրբանի հայտարարության հետ, որ իր իսրայելցի գործընկերը չի ձերբակալվի։
Դեռ փետրվարին Հունգարիայի արտաքին գործերի նախարար Պետեր Սիյարտոն ասել էր, որ քննարկվում է ՄՔԴ-ից դուրս գալու հարցը՝ բացատրելով, որ դատարանը դարձել է քաղաքական գործիք։
Այս միջազգային կառույցի աշխատանքներին չեն մասնակցում մի շարք պետություններ, այդ թվում՝ Ռուսաստանը, ԱՄՆ-ը, Չինաստանը, Իսրայելը, Հնդկաստանը և Իրանը։
