ԿԺԴՀ-ն ճանաչել է Դոնեցկի Ժողովրդական Հանրապետության անկախությունը․ հայտնել է Դոնեցկի ղեկավար Դենիս Պուշիլինը։
«Դոնեցկի Ժողովրդական Հանրապետության միջազգային կարգավիճակը և պետականությունը շարունակում են ամրապնդվել, սա մեր դիվանագիտության հերթական հաղթանակն է»,- գրել է նա Telegram-ի իր ալիքում։
Պուշիլինի խոսքով՝ այս որոշումը հիմք կդառնա հարաբերությունների հետագա զարգացման համար, այդ թվում՝ տնտեսական ոլորտում, իսկ գործընկերությունը կմեծացնի ձեռնարկությունների համար առևտրի աշխարհագրությունը։
«Մենք երախտապարտ ենք ԿԺԴՀ-ի ժողովրդին Դոնբասի ժողովրդին նման նշանակալի աջակցության համար», – ասել է նա։
Ճանաչման մասին տեղեկությունը հաստատել են նաև Մոսկվայում ԿԺԴՀ-ի դեսպանատանը։
Ավելի վաղ Սիրիան հայտարարել էր Դոնեցկի և Լուգանսկի անկախությունը ճանաչելու որոշման մասին:
