Ֆրանսիայի սպորտի և առողջապահության նախարարություններն ավարտել են մարզիկների համար հատուկ հակավիրուսային դիմակ մշակելու նախագիծը, հաղորդում է ՏԱՍՍ գործակալությունը:
Դիմակը պատրաստված է հատուկ բազմաշերտ և փափուկ զտիչ գործվածքից, որը հաճելի է դեմքի հետ շփման ժամանակ:
Միևնույն ժամանակ, դիմակի ձևը փոքր-ինչ փոփոխված է՝ այնպես, որ այն չի դիպչում շրթունքներին և նույնիսկ ինտենսիվ շնչառության ժամանակ չի ձգվում դեպի բերանը, ինչը անխուսափելիորեն տեղի է ունենում սովորական բժշկական դիմակով վազելու փորձ կատարելիս: Ամրացման ձևը նույնպես բարելավվել է, որպեսզի հանկարծակի շարժումների ժամանակ չշարժվի:
Մշակողները, ովքեր բազմիցս փորձարկել են իրենց նոր արտադրանքը, նշել են, որ այն շատ հարմարավետ է և դրանով հեշտ է շնչել, ի տարբերություն գոյություն ունեցող բոլոր մյուս մոդելների:
