Հուլիսի 24-ից 27-ը Փենյանում անցկացվեց Կորեայի ժողովրդական բանակի հրամանատարական և քաղաքական կոմիսարների առաջին սեմինարը: ԿԺԴՀ առաջնորդ Կիմ Չեն Ընը կոչ է արել ջանքեր գործադրել ստորաբաժանումների մարտունակությունը բարելավելու համար, հայտնում է ՏԱՍՍ գործակալությունը:
«Ներկայումս թշնամական ուժերը համակարգված կերպով զարգացնում են իրենց հնարավորությունները՝ ԿԺԴՀ -ի դեմ կանխարգելիչ հարված հասցնելու համար, ավելացնում են սպառազինությունը և ագրեսիայի նպատակով ակտիվացնում են բոլոր տեսակի զորավարժությունները: Մենք պետք է առավելագույն ջանքեր գործադրենք բոլոր ստորաբաժանումների մարտունակությունը բարելավելու համար», ասել է ԿԺԴՀ առաջնորդն իր ելույթում։
