Ռուսաստանի արտգործնախարար Սերգեյ Լավրովը և ԱՄՆ պետքարտուղար Էնթոնի Բլինկենը հեռախոսով քննարկել են երկկողմ շփումների ժամանակացույցը, ներառյալ ԱՄՆ-Ռուսաստան գագաթաժողով կազմակերպելու Վաշինգտոնի առաջարկը, ինչպես նաև պայմանավորվել են առանձին հանդիպել Ռեյկյավիկում Արկտիկական խորհրդի նախարարական նստաշրջանում:
«Քննարկվել է առաջիկա ժամանակահատվածում ռուս-ամերիկյան մյուս շփումների ժամանակացույցը, ներառյալ ռուս-ամերիկյան գագաթաժողով կազմակերպելու Վաշինգտոնի առաջարկը», ասված է ՌԴ ԱԳՆ հայտարարության մեջ:
Ռուսաստանի արտգործնախարարությունը նշել է, որ կողմերը «մտքեր են փոխանակել Կորեական թերակղզու միջուկային խնդրի վերաբերյալ մոտեցումների, Իրանի միջուկային ծրագրի համատեղ գործողությունների համապարփակ ծրագրի վերականգնման և ռազմավարական կայունության ոլորտում խնդիրների քննարկման վերաբերյալ»:
