Ռուսաստանի արտգործնախարար Սերգեյ Լավրովը կոչ է արել Արևմուտքի երկրներին դադարեցնել Բելառուսի դեմոնիզացումը Ryanair ինքնաթիռի հրատապ վայրէջքի հետ կապված իրավիճակում:
«Ես ուզում եմ հաստատել այն, ինչ Մոսկվան պաշտոնապես հայտարարել է մեկից ավելի անգամ: Մենք պնդում ենք, որ դադարեցվի այն մարդկանց դեմոնացումը, ում Արևմուտքը չի սիրում: Դեպքից հետո առաջին իսկ րոպեներից Բելառուսի իշխանությունները հայտարարեցին, որ պատրաստ են թափանցիկության, բաց հետաքննության ու համապատասխան փորձագետների ընդունելության, ինչպես նաև կտրամադրեն ամբողջ տեղեկատվությունն ու անհրաժեշտ նյութերը», ասել է Լավրովը՝ պատասխանելով հինգշաբթի մամուլի ասուլիսում ՏԱՍՍ-ի հարցին:
Նրա խոսքերով, Արևմուտքը պահանջում է անկախ միջազգային հետաքննություն՝ անտեսելով այն փաստը, որ դա անմիջապես առաջարկել էին Բելառուսի իշխանությունները, բայց հետաքննություն պահանջելով՝ նրանք արդեն հայտարարել են այսպես կոչված պատժի մասին:
