Ահաբեկչության դեմ պայքարի իրաքցի աշխատակիցները երկրի տարբեր նահանգներում բերման են ենթարկել «Իսլամական պետություն» ահաբեկչական խմբավորման (ԻՊ) 14 գրոհայինների, ներառյալ ծայրահեղականների առաջնորդներին:
Ինչպես հայտնում է ՏԱՍՍ-ը, այս մասին հայտարարել է հանրապետության զինված ուժերի հրամանատարի ներկայացուցիչ Յահյա Ռասուլը: Նրա խոսքով՝ մասնավորապես, ուժայիններին հաջողվել է բերման ենթարկել մայրաքաղաքային շրջանում ԻՊ-ի խմբավորումների ղեկավարներից մեկին՝ Աբու Մուազ մականունով: Նրա ձերբակալությունը հանգեցրել է նրան, քր իրավապահ մարմինները գտել են ահաբեկչական ցանցի այլ անդամների, որոնց տանը հայտնաբերվել էին պայթուցիկ նյութեր:
Անբար նահանգում վեց արմատական է բռնվել: Բացի դրանից, Սալահ-էդ-Դինում բերման է ենթարկվել մեկ գրոհային, որը պլանավորում էր պայթեցնել բարձրավոլտ գծերը:
