Իրանի գլխավոր շտաբը հայտարարել է ռուսական կործանիչներ գնելու վերաբերյալ բանակցությունների մասին
Իրանի զինված ուժերի գլխավոր շտաբի պետ Մոհամմադ Բաղերին երկուշաբթի օրը հայտարարել է Մոսկվայի հետ ռուսական կործանիչներ և ուղղաթիռներ գնելու շուրջ բանակցությունների մասին:
«Մենք ներկայումս բանակցություններ ենք վարում ռուսական կործանիչներ և ուղղաթիռներ գնելու վերաբերյալ համաձայնագրերի իրականացման շուրջ», – Բաղերիի խոսքը մեջբերել է Fars գործակալությունը:
Նա նշել է, որ համաձայնագրերը կստորագրվեն ՄԱԿ-ի՝ դեպի Իրան զենքի արտահանման էմբարգոյի գործողության ավարտից հետո:
