Իսպանիայում մի քանի երկրաշարժ է եղել

Գիշերը Իսպանիայի Գրանադա նահանգում (Անդալուսիայի ինքնավար համայնք) գրանցվել է առնվազն 4 մագնիտուդով երեք երկրաշարժ, հաղորդում է ՏԱՍՍ-ը:

Հարյուրավոր մարդիկ, ցնցումներից վախեցած, գիշերը փողոց են դուրս եկել Գրանադա նահանգի տարբեր բնակավայրերում՝ չնայած համաճարակի կողմից սահմանված պարետային ժամին։

Բացի դրանից, գրանցվել են ավելի փոքր ուժգնության բազմաթիվ հետցնցումներ: Արտակարգ իրավիճակների ծառայությունը ստացել է գրեթե 450 զանգ: Երկրաշարժերի արդյունքում տուժածներ չկան: