Թուրքիան կարող է Սիրիայի հյուսիսում գործողություն սկսել արդեն երեքշաբթի օրը
Թուրքական բանակը, իրեն հավատարիմ զինված կազմավորումների հետ միասին, երեքշաբթի օրը կարող է ռազմական գործողություն սկսել Սիրիայի դեմոկրատական ուժերի արաբ-քրդական կազմավորումների դեմ, ՌԻԱ գործակալությանը հայտնել է Սիրիայի հյուսիսում Դամասկոսին ընդդիմադիր կառույցներում իրազեկ աղբյուրը։
«Թուրքիան մտադիր է վաղը ռազմական գործողություն սկսել «Սիրիայի դեմոկրատական ուժերի» դեմ և ընդդիմադիր խմբերին հանձնարարել է պատրաստվել գործողությանը», – ասել է աղբյուրը։
Նրա համաձայն՝ գործողությունը կսկսվի Սիրիայի հյուսիսում մի քանի ուղղությունից՝ Ազազից և Թել-Աբյադից։ Գործակալությունն այս մասին պաշտոնական մեկնաբանություն չի ստացել։
