«Թուրքիային կարելի է անվանել Աֆղանստանում անվտանգության նոր երաշխավոր»
Թուրքիային կարելի է անվանել Աֆղանստանում նոր առաջնորդ, քանի որ հենց նա է երաշխավորելու տարածաշրջանում անվտանգությունը ամերիկյան զորքերի դուրսբերումից հետո: Այս մասին հայտարարել է Թուրքիայի ռազմական հետախուզության նախկին ղեկավար Իսմայիլ Պեկինը: Նրա խոսքերը մեջբերում է Lenta.ru-ն:
Նա նշել է, որ տարածաշրջանում Անկարային կարելի է ընկալել որպես ՆԱՏՕ-ի ներկայացուցիչ, բայց նույնիսկ այս դեպքում Թուրքիան կպաշտպանի իր շահերը: Պեկինը մեկնաբանել է նաև հունիսի 14-ին կայացած ՆԱՏՕ-ի գագաթաժողովը:
Թուրքական հետախուզության նախկին ղեկավարը կարծում է, որ ԱՄՆ-ը ցանկանում էր «ուժ ցուցադրել» և այնտեղ հայտարարել իր առաջնությունը, բայց դա տեղի չունեցավ: Պեկինը խոստովանել է, որ նույնիսկ Ռուսաստանին վերաբերող հարցերի շուրջ կոնսենսուս չկա:
