Թուրքիայում բացահայտվել է իսրայելական «Մոսսադ» հետախուզության հետ կապ ունեցող լրտեսների ցանց: Այդ մասին հինգշաբթի օրը հայտարարել է CNN Turk հեռուստաալիքը՝ հղում կատարելով Թուրքիայի ազգային հետախուզական կազմակերպությանը:
Կազմակերպության մոտ 200 աշխատակիցներ գործողություն են իրականացրել Թուրքիայի չորս նահանգներում, ինչի արդյունքում բացահայտվել է հինգ լրտեսական բջիջ՝ յուրաքանչյուրում երեք հոգի, նշում է հեռուստաալիքը: Հոկտեմբերի 7-ին ոստիկանությունը բերման էր ենթարկել 15 մարդու:
Պարզվել է, որ այդ անձինք, որոնց թվում եղել են պաղեստինցիներ, «Մոսսադի» համար տեղեկատվություն են հավաքել հիմնականում Թուրքիայում սովորող օտարերկրյա ուսանողների մասին, հայտնում է հեռուստաալիքը: Գործակալները հետաքրքրված էին երիտասարդներով, ովքեր ապագայում կարող են աշխատել պաշտպանական արդյունաբերության ոլորտում։
