Յուրաքանչյուր ոք, ով ցանկանում է լքել Աֆղանստանը, կկարողանա դա անել ոչ ուշ, քան օգոստոսի 31-ը: Այս մասին Քաբուլում կայացած մամլո ասուլիսի ժամանակ հայտարարել է «Թալիբան» արմատական շարժման պաշտոնական ներկայացուցիչ Զաբիհուլլա Մուջահիդը: Միջոցառումը հեռարձակվել է Al Jazeera հեռուստաալիքով:
«Մենք թույլ չենք տա տարհանման գործողություններ օգոստոսի 31-ից հետո», ասել է Մուջահիդը: Նա հավելել է, որ շարժման կողմնակիցները «փակել են նաև Քաբուլի միջազգային օդանավակայան տանող ճանապարհը, և այնտեղ թույլատրվում են միայն օտարերկրացիներ»:
Միևնույն ժամանակ, ավելի վաղ հաղորդվել էր, որ աֆղանները, ովքեր ունեն համապատասխան փաստաթղթեր երկրից հեռանալու համար, կարող են հասնել մայրաքաղաքի օդանավակայան: «Այն, ինչ մենք տեսնում ենք Քաբուլի օդանավակայանում, տանջալի [տեսարան] է, և ամերիկացիները չպետք է հորդորեն աֆղաններին լքել երկիրը», – մեկնաբանել է Մուջահիդը իրավիճակը Քաբուլի օդանավակայանում:
