Այսօր արմատական «Թալիբան»-ի ներկայացուցիչ Զաբիուլլահ Մուջահիդը հայտարարել է, որ Աֆղանստանում ռազմական գործողությունները կարելի է ավարտված համարել «այն բանից հետո, երբ «Թալիբան»-ը լիակատար վերահսկողություն հաստատեց հյուսիսային Փանջշեր նահանգի վրա», որը նախկինում չէր ենթարկվում շարժմանը:
«Անցյալ գիշեր և այսօր առավոտյան Փանջշերն ամբողջությամբ վերահսկողության տակ էր: Այսպիսով, պատերազմն Աֆղանստանում ավարտվեց: Դրա համար այլևս որևէ արդարացում չկա: Ժամանակն է վերականգնել մեր երկիրը», – ասել է նա մամլո ասուլիսի ժամանակ, հայտնում է ՏԱՍՍ-ը։
