Թուրքիայի նախագահ Ռեջեփ Թայիփ Էրդողանը հայտարարել է, որ «Ստամբուլ» ջրանցքի շինարարությունը սկսվելու է 2021թ․ հունիսի վերջերին: Նրա խոսքերը հայտնել է Anadolu գործակալությունը:
«Իհարկե, կլինեն նրանք, ովքեր մտահոգություն կհայտնեն այս մեգանախագծի վերաբերյալ: Դա մեզ չի կանգնեցնի», ընդգծել է պետության ղեկավարը:
Էրդողանը նշել է, որ նոր ջրանցքի երկու կողմերում կկառուցվի մեկական քաղաք, դրանք միայն կզարդարեն Ստամբուլը:
«Ստամբուլ» նոր ջրանցքը միացնելու է Մարմարա և Սև ծովերը: Նախատեսվում է շինարարական աշխատանքներն ավարտել մինչև 2028 թվականը:
