ԵՄ խորհուրդը երկարաձգել է պատժամիջոցների ռեժիմը «Իսլամական պետություն» (ԻՊ) և «Ալ-Ղաիդա» ահաբեկչական խմբավորումների, ինչպես նաև նրանց հետ կապված անձանց, կազմակերպությունների և ձեռնարկությունների դեմ մինչև 2022 թվականի հոկտեմբերի 31-ը: Այս մասին ասված է ԵՄ խորհրդի հայտարարության մեջ:
Ընդգծվում է, որ ԵՄ երկրների քաղաքացիներին ու կազմակերպություններին արգելվում է այդ մարդկանց տրամադրել գումար և ցանկացած տնտեսական ռեսուրս:
Ինչպես նշել է ԵՄ խորհուրդը, գործող պատժամիջոցների ռեժիմը Բրյուսելին թույլ է տալիս նպատակային սահմանափակումներ սահմանել ահաբեկչական գործողություններ կատարողների կամ նրանց հրահրողների, ինչպես նաև ահաբեկիչներին աջակցողների նկատմամբ:
