Վենեսուելայի նոր առաջնորդ Դելսի Ռոդրիգեսը հրաժարվել է համագործակցել Միացյալ Նահանգների հետ։ Փոխնախագահ Ռոդրիգեսը պետության ղեկավար է նշանակվել Վենեսուելայի Գերագույն դատարանի կողմից՝ Նիկոլաս Մադուրոյի ամերիկացիների կողմից ձերբակալությունից և առևանգումից հետո։
Սահմանադրության համաձայն՝ նա լիազորություններ է ստացել Մադուրոյի հարկադիր բացակայության պատճառով։
Շաբաթ օրը Կարակասում` Ազգային պաշտպանության խորհրդի արտակարգ նիստում, որը հեռարձակվել է ուղիղ եթերով, Դելսի Ռոդրիգեսը հայտարարել է, որ վճռականորեն աջակցում է Մադուրոյին որպես նախագահ և մերժել է ԱՄՆ նախագահ Դոնալդ Թրամփի պնդումները, թե ինքը պատրաստ է համագործակցել Միացյալ Նահանգների հետ։
«Մենք երբեք այլևս գաղութ չենք լինի` անկախ նրանից, թե ինչպիսի պետություն այն կլինի», – ասել է Ռոդրիգեսը։
Դելսի Ռոդրիգեսը ծնվել է 1969 թվականի մայիսի 18-ին, Կարակասում։
Նա ձախակողմյան պարտիզանական առաջնորդ Խորխե Անտոնիո Ռոդրիգեսի դուստրն է, որը 1970-ականներին հիմնադրել է հեղափոխական «Լիգա Սոցիալիստա» կուսակցությունը: Բացի փոխնախագահի պաշտոնը զբաղեցնելուց, Դելսի Ռոդրիգեսը նաև ֆինանսների և նավթի նախարարի պաշտոնն է զբաղեցնում, ինչը նրան դարձնում է Վենեսուելայի տնտեսական քաղաքականության կարևոր դեմք և զգալի ազդեցություն է տալիս:
DW
