Սյունյաց աշխարհը, որ եղել ու մնում է հայոց անկախ պետության և ինքնիշխանության վեմ-քարը, իր հավատավոր զավակներով Հայոց նվիրապետ, Ն․Ս․Օ․Տ․Տ․ Գարեգին Բ–ի հետ է

Եվ Հայ առաքելական եկեղեցում որևէ բարենորոգում կարող է անել միայն ու միայն հայոց ազգային–եկեղեցական ժողովը կամ այդ ժողովի կողմից ստեղծված խորհուրդը։

Սուրբ Հովհան Որոտնեցու, Սուրբ Գրիգոր Տաթևացու, Սուրբ Մովսես Խոտանանցու և Սյունյաց աշխարհի մյուս տիեզերահռչակ վարդապետների, հոգևոր հանճարների ժառանգությամբ սնված ու այդ ժառանգությամբ առաջնորդվող սյունեցին չի կարող օրինավոր համարել որևէ այլ նախաձեռնություն․․․

Հիշենք նաև՝ հայոց մեջ առաջինը Սյունիքում են առաքյալները Քրիստոսի արեգակնափայլ լույսը տարածել, ինչի մասին վկայում է Սյունյաց ստուգապատում պատմիչ Ստեփանոս Օրբելյանը։

Ուրեմն և՝ շարունակենք հավատարիմ մնալ ամենայնի տեր և օրհնաբանյալ Տիրոջ ու նրա առաքյալների, ինչպես և Սյունյաց աշխարհի մեծահամբավ վարդապետների ավանդույթներին․ ամեն:

Աղբյուր՝ syuniacyerkir.am