Ռուսաստանը ընդհանուր առմամբ գոհ է Ուկրաինայի հետ բանակցություններից և պատրաստ է շարունակել շփումները, ինչպես հայտնում է «ՌԻԱ նովոստի»-ն, Ստամբուլում բանակցությունների ժամանակ հայտարարել է ռուսական պատվիրակության ղեկավար Վլադիմիր Մեդինսկին։
Նրա խոսքով՝ Ռուսաստանը և Ուկրաինան մանրամասն կներկայացնեն իրենց տեսակետները հնարավոր հրադադարի վերաբերյալ. «Մոսկվան պատրաստ է շարունակել բանակցությունները»։
Մեդինսկին հայտնել է, որ Ռուսաստանը և Ուկրաինան շուտով կիրականացնեն 1000/1000 գերիների փոխանակում։
Նա նաև նշել է, որ Ռուսաստանը հաշվի է առնում Ուկրաինայի խնդրանքը՝ առաջնորդների միջև ուղիղ բանակցություններ անցկացնելու վերաբերյալ։
«Ռուսաստանի նախագահի նախաձեռնությամբ կազմակերպված ուկրաինական կողմի հետ ուղիղ բանակցությունները հենց նոր ավարտվեցին։ Ընդհանուր առմամբ, մենք գոհ ենք արդյունքներից և պատրաստ ենք շարունակել շփումները։ Ինչի՞ շուրջ համաձայնության եկանք։ Նախ, առաջիկա օրերին տեղի կունենա 1000/1000 գերիների լայնածավալ փոխանակում։
Երկրորդ՝ ուկրաինական կողմը խնդրել է պետությունների ղեկավարների միջև ուղիղ բանակցություններ։ Մենք հաշվի ենք առել այս խնդրանքը։
Երրորդ՝ մենք համաձայնեցինք, որ յուրաքանչյուր կողմ պետք է ներկայացնի իր տեսակետը հնարավոր ապագա հրադադարի վերաբերյալ։ Թող յուրաքանչյուրը մանրամասն նկարագրի այն։
«Նման տեսակետ ներկայացնելուց հետո մենք նպատակահարմար ենք գտնում շարունակել մեր բանակցությունները, և դա արդեն համաձայնեցված է», – ասել է Մեդինսկին Ստամբուլում կայացած բանակցություններից հետո արված հայտարարության մեջ։
