Տեղատարափ անձրևները, որոնք երկուշաբթի օրվանից շարունակվում են Գերմանիայի արևմուտքում և հարավ-արևմուտքում, հանգեցրել են ջրհեղեղի: Հռենոսի վտակները, ինչպես նաև փոքր գետերը, հորդառատ անձրևների պատճառով դուրս են եկել ափերից: Նախևառաջ, Հյուսիսային Ռայն-Վեստֆալիան և Ռայնլանդ-Պֆալցը հայտնվել են բնական աղետի հարվածի տակ:
Գերմանիայում ջրհեղեղից զոհվածների թիվը հասել է 42-ի, հինգշաբթի հաղորդում է Bild թերթը՝ վկայակոչելով ոստիկանության և փրկարարական ծառայությունների: Գերմանիայի նախագահ Ֆրանկ-Վալտեր Շտայնմայերը ցավակցություն է հայտնել զոհվածների ընտանիքներին: Նա շնորհակալություն է հայտնել արտակարգ իրավիճակների ծառայություններին ՝ մարդկանց գտնելու և փրկելու ջանքերի համար: Հագեն քաղաքում աղետը ոչնչացրել է մի քանի կամուրջներ:
