ԱՄՆ նախագահ Ջո Բայդենը հուսադրող է համարել ԱՄՆ կարգավորիչի որոշումը`հաստատել BioNTech-ի և Pfizer-ի պատվաստանյութի օգտագործումը 12-ից 15 տարեկան անչափահասների շրջանում: Ինչպես նշվում է նախագահի հայտարարության մեջ, առաջիկայում սպասվում են հիվանդությունների կանխարգելման և վերահսկման դաշնային կենտրոնների՝ երկրում կորոնավիրուսի իրավիճակի հետ կապված նոր առաջարկություններ:
«Անվտանգ և արդյունավետ պատվաստանյութերը զսպում են վիրուսի տարածումը, փրկում հազարավոր կյանքեր և միլիոնավոր ամերիկացիների հնարավորություն են տալիս վերադառնալ բնականոն կյանքի», ասել է Բայդենը: «Առաջիկա օրերին հիվանդությունների կանխարգելման և վերահսկման դաշնային կենտրոններից մենք կլսենք նոր առաջարկություններ»:
