ԱՄՆ նախագահ Ջո Բայդենը երկուշաբթի օրը մասնակցելով Բուխարեստի իննյակի (Լեհաստան, Ռումինիա, Էստոնիա, Լիտվա, Լատվիա, Սլովակիա, Հունգարիա, Բուլղարիա և Չեխիա) վիրտուալ գագաթաժողովին, ՆԱՏՕ-ի արևելյան թևի դաշնակիցների հետ քննարկել է մի շարք հարցեր, այդ թվում՝ տարածաշրջանում անվտանգության ապահովման վերաբերյալ: Այս մասին հայտարարել է Սպիտակ տան մամուլի քարտուղար Ջեն Փսակին:
Ճեպազրույցի ընթացքում նրան հարցրել են, արդյոք գագաթնաժողովին մասնակցելու Բայդենի որոշումը կապված էր «Ռուսաստանի դեմ միասնական ճակատ ցույց տալու ցանկության» հետ:
«Դա ցանկություն էր <…> զրուցել, քննարկում անցկացնել Կենտրոնական Եվրոպայի որոշ կարևոր գործընկերների՝ ՆԱՏՕ-ի արևելյան թևի դաշնակիցների հետ մի շարք հարցերի շուրջ, ներառյալ, իհարկե, տարածաշրջանային անվտանգությունը, բնակչության գլոբալ առողջապահական ճգնաժամի դեմ պայքարի, կլիմայի փոփոխության դեմ պայքարի և էներգետիկ անվտանգությանն ուղղված մեր ջանքերը: Այդ խումբը հավաքվեց <…>, նրանք հրավիրեցին նրան ելույթ ունենալ հանդիպման ժամանակ, և նա դա արեց», պատասխանել է Փսակին:
