ԱՄՆ նախագահ Ջո Բայդենը բացատրել է իր ռուս պաշտոնակից Վլադիմիր Պուտինի հետ մամլո ասուլիս անցկացնելուց հրաժարումը: Նա կարծում է, որ այս իրավիճակում անհրաժեշտ չէ լրագրողների առջև մրցույթ կազմակերպել, քանի որ «սա մրցույթ չէ, թե ով տեսախցիկների առաջ ավելի լավ տեսք ունի», հաղորդում է «ՌԻԱ» գործակալությունը:
G7-ի գագաթաժողովից հետո ամերիկացի առաջնորդը բացատրել է, որ անհատական մամլո ասուլիսում մտադիր է հստակ կերպով նշել Մոսկվայի հետ հարաբերությունների բարելավման պայմանները: Նա համատեղ ասուլիսի անհրաժեշտություն չի տեսնում:
Ավելի վաղ Բայդենն ասել էր, որ համաձայն է իր գործընկեր Վլադիմիր Պուտինի կարծիքին երկու երկրների հարաբերությունների վերաբերյալ. դրանք այժմ գտնվում են ամենացածր կետում:
