Աֆղանստանում Մեծ Բրիտանիայի դեսպանատունը «Թալիբան» շարժմանը մեղադրել է խաղաղ բնակիչների զանգվածային սպանությունների մեջ: Այս մասին հայտնում է աֆղանական Tolo News հեռուստաալիքը:
«[Թալիբանը] տասնյակ խաղաղ բնակիչների է սպանել Քանդահար նահանգի Սպին-Բոլդակ շրջանում, ինչը ռազմական հանցագործություն է», դիվանագիտական առաքելության խոսքերը մեջբերում է հեռուստաալիքը: «Պետք է հետաքննություն իրականացվի թալիբ գրոհայինների կամ նրանց հրամանատարների դեմ»:
Քաբուլում Մեծ Բրիտանիայի դեսպանատան մեղադրանքը, ըստ հեռուստաալիքի, հիմնված է Աֆղանստանի մարդու իրավունքների անկախ հանձնաժողովի զեկույցի վրա: Սպին-Բոլդակում տեղի ունեցած իրադարձությունների մանրամասները չեն հաղորդվում:
