Տեխասում ինքնաթիռի վթարի հետևանքով 21 ուղևորներից մեկը վիրավորվել է, հայտնում է ՌիԱ գործակալությունը՝ վկայակոչելով տեղական Click2Houston հեռուստաալիքը:
Հաղորդվում է, որ McDonnell Douglas DC-9-87 ինքնաթիռը չի կարողացել բարձրություն հավաքել Բրուքշիր քաղաքի շրջանում գտնվող օդանավակայանում:
Ինքնաթիռը, որում եղել է 21 մարդ, պատնեշից անցնելով՝ ջարդվել է, հրդեհվել և մասերի բաժանվել: Այնուամենայնիվ, գրեթե բոլոր ուղևորներն ու անձնակազմի անդամները անվտանգ տարհանվել են, միայն մեկ տուժած է տեղափոխվել հիվանդանոց:
