ԱՄՆ-ը մեկնաբանել է Իրանի դեմ որոշ պատժամիջոցների վերացման հավանականությունը
ԱՄՆ ֆինանսների նախարարությունը ուշադիր քննարկում է որոշ հակաիրանական պատժամիջոցներ վերացնելու հարցը, եթե Թեհրանը վերադառնա իրանական միջուկային ծրագրի վերաբերյալ Գործողությունների համատեղ համապարփակ ծրագրի պահպանմանը: Այսօր Ներկայացուցիչների պալատի հատկացումների հանձնաժողովում կայացած լսումների ժամանակ այդ մասին հայտարարել է ԱՄՆ ֆինանսների նախարար Ջանեթ Յելլենը:
«Մենք ուշադիր վերլուծում ենք, թե որ պատժամիջոցները կարող են վերացվել, եթե Իրանը համապատասխան քայլեր ձեռնարկի», ասել է Ֆինանսների գերատեսչության պետը ՝ անդրադառնալով Թեհրանի կողմից Գործողությունների համատեղ համապարփակ ծրագրի պահպանմանը վերադառնալուն:
«Եթե Իրանը լիովին կատարի իր պարտավորությունները, ապա մենք կանենք նույնը», ավելացրել է նա:
