ԱՄՆ-ը սպասում է իր առաջարկներին Փենյանի արձագանքին, հայտարարել է Պետդեպարտամենտի խոսնակ Նեդ Փրայսը:
«Մեր քաղաքականությունը ենթադրում է հավասարակշռված մոտեցում՝ ուղղված ԿԺԴՀ-ի հետ լուրջ և կայուն երկխոսություն հաստատելուն՝ մեր նպատակին հասնելու համար, հետևաբար մենք պատրաստ ենք առանց նախապայմանների հանդիպել ԿԺԴՀ-ի հետ: Մենք նույնիսկ կոնկրետ առաջարկներ ենք արել ԿԺԴՀ-ին և սպասում ենք պատասխանին», – ասել է նա:
Փրայսը հիշեցրել է, որ ԱՄՆ-ի նպատակը Կորեական թերակղզու ամբողջական ապամիջուկայնացումն է:
«Չեմ ուզում տպավորություն լինի, թե ոչինչ չի կատարվում: Մենք ակտիվ դիվանագիտական ջանքեր ենք գործադրում Հնդկա-Խաղաղօվկիանոսյան տարածաշրջանում մեր դաշնակիցների հետ՝ ներառյալ Կորեայի Հանրապետության և Ճապոնիայի»,- նրա խոսքերը հաղորդում է ՏԱՍՍ-ը:
