Կորոնավիրուսի չափազանց վարակիչ Դելտա տարբերակի մասին ուրբաթ օրը Ժնևում կայացած ճեպազրույցում խոսել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադանոմ Գեբրեյեսուսը:
«Դելտա շտամը վտանգավոր է ու կշարունակվի զարգանալ և մուտացիայի ենթարկվել», ասել է նա ՝ ավելացնելով, որ շտամը «հայտնաբերվել է առնվազն 98 երկրում և արագորեն տարածվում է թե՛ քիչ, թե՛ մեծ թվով պատվաստումներ իրականացրած երկրներում»: Նա համաշխարհային հանրությանը կոչ է արել հավասար հիմունքներով «կիսվել» պատվաստանյութերով, բժշկական պարագաներով, թոքերի օդափոխման սարքերով և թեստավորման սարքավորումներով:
ԱՀԿ ղեկավարը հիշեցրել է իր կոչը`մինչ սեպտեմբեր պատվաստել բոլոր երկրներում բնակչության 10%-ը, հայտնում է ՏԱՍՍ-ը:
