Ռուսաստանը անհանգստացած է, որ Ռուսաստանում արգելված «Իսլամական պետություն» խմբավորման գրոհայինները կարող են օգտվել Աֆղանստանի հյուսիսում տեղի ունեցող պատերազմի քաոսից: Այս մասին ՌԻԱ գործալկալությանը հայտնել է Աֆղանստանում Ռուսաստանի հատուկ բանագնաց, ՌԴ ԱԳՆ Ասիայի երկրորդ վարչության տնօրեն Զամիր Քաբուլովը:
Նրա խոսքով՝ «Թալիբան» շարժումը և «Իսլամական պետություն»-ը անհաշտ թշնամիներ են: «Այնտեղ «Թալիբան» շարժման հաջողությունները ԻՊ-ին արյունազրկում են, զրկում են Կենտրոնական Ասիայի դեմ հարձակումների և դիվերսիոն գործողությունների համար հիմքից», ասել է Քաբուլովը։
