ՌԴ նախագահ Վլադիմիր Պուտինը հայտարարել է, որ նույնիսկ ամերիկյան աղբյուրների համաձայն, աշխարհում կիբեռհարձակումների մեծ մասը գալիս է ԱՄՆ-ից, հայտնում է ՏԱՍՍ-ը:
«Ես ուզում եմ ձեզ տեղեկացնել այն բաների մասին, որոնք ընդհանուր առմամբ հայտնի են, բայց ոչ հասարակության լայն շերտերին: Ամերիկյան աղբյուրների համաձայն (ես պարզապես վախենում եմ շփոթել կազմակերպության անվանումը), աշխարհում ամենամեծ թվով կիբեռհարձակումներն իրականացվում են ԱՄՆ կիբեռտարածքից: Երկրորդ տեղում Կանադան է, այնուհետև Լատինական Ամերիկայի երկու երկրներ, ապա նաև Մեծ Բրիտանիան», լրագրողներին ասել է Պուտինը իր ամերիկացի գործընկեր Ջո Բայդենի հետ Ժնևում կայացած բանակցություններից հետո:
Միևնույն ժամանակ, նա նշել է․ «2020-ի ընթացքում մենք ԱՄՆ-ից 10 հարցում ենք ստացել՝ կապված ԱՄՆ-ում գտնվող օբյեկտների վրա կիբեռհարձակումների հետ, ինչպես մեր գործընկերներն են ասում, Ռուսաստանի կիբերտարածքից»:
