ԱՄՆ-ն չպետք է բանակցի Իրանի գործող կառավարության հետ, փոխարենը պետք է առավելագույն ճնշում գործադրել մերձավորարևելյան երկրի վրա: Այս կարծիքը հայտնել է ԱՄՆ նախկին պետքարտուղար Մայքլ Պոմպեոն Fox News-ի եթերում:
«Սա այն ռեժիմը չէ, որի հետ մենք պետք է համագործակցենք: Մենք պետք է առավելագույն ճնշում գործադրելու արշավ անցկացնենք, որպեսզի ստիպենք այս ռեժիմին փոխել իր վարքը», ասել է նա:
Բացի դրանից, Պետդեպարտամենտի նախկին ղեկավարը կարծում է, որ Իրանը միջուկային գործարքի շուրջ բանակցությունների միջոցով մտադիր է թուլացնել ԱՄՆ ճնշումը և մեծ զիջումների հասնել ամերիկյան կողմից:
