Աֆղանստանի հյուսիսային Փարվան նահանգի վարչական կենտրոն Չարիքար քաղաքում մի շարք հզոր պայթյուններ են տեղի ունեցել: Այդ մասին հայտնում է ՏԱՍՍ-ը։
Քաբուլից մոտ 70 կմ հեռավորության վրա գտնվող այդ քաղաքում կեսօրին պայթյուններ են եղել, դրանից հետո փոխհրաձգություն է սկսվել: «Թալիբան» արմատական շարժումը դեռևս չի մեկնաբանել նշված տարածաշրջանում տեղի ունեցած միջադեպերը:
Ըստ աղբյուրների՝ փոխհրաձգությունը կարող էր իրականացված լինել թալիբ գրոհայինների և Ազգային դիմադրության ճակատի մարտիկների միջև, որոնք չեն ճանաչել արմատականների իշխանությունը երկրում:
