ՆԱՏՕ-ն ձգտում է ստեղծել հերթական հակառուսական ռազմական հենակետը Վրաստանի տարածքում: Այս կարծիքը հայտնել է Հարավային Օսիայի արտաքին գործերի նախարարությունը`մեկնաբանելով Agile Spirit 2021 զորավարժությունները, որոնք Վրաստանում իրականացվում են ՆԱՏՕ-ի անդամ 12 երկրների, ինչպես նաև Ադրբեջանի, Վրաստանի և Ուկրաինայի մասնակցությամբ:
«Եվ Վրաստանը հույս ունի ՆԱՏՕ-ի անդամ երկրների քաղաքական և ռազմական աջակցության միջոցով բավարարել իր անօրինական պահանջները հարևան պետությունների՝ Հարավային Օսիայի Հանրապետության և Աբխազիայի Հանրապետության տարածքների նկատմամբ», ասվում է գործակալության կայքում:
Հանրապետության արտաքին գործերի նախարարությունը զորավարժությունները դիտարկում է որպես վերջին տարիներին ձևավորված տարածաշրջանային կայունության և անվտանգության կառուցվածքը խաթարելու միտումնավոր փորձեր:
