Մերձավորարևելյան «քառյակը» (Ռուսաստան, ԱՄՆ, ՄԱԿ, Եվրոմիություն) այսօր կքննարկի տարածաշրջանում իրավիճակի սրման հարցը: Այս մասին Բեռլինում կայացած ճեպազրույցում հայտարարել է Գերմանիայի ԱԳՆ ներկայացուցիչ Քրիստոֆեր Բուրգերը:
«Յուրաքանչյուր ոք, ով կարող է դրականորեն ազդել իրավիճակի վրա, պետք է ներդրում ունենա», ասել է նա՝ նկատի ունենալով իսրայելցիների և պաղեստինցիների հակամարտությունը լուծելու ռուսական նախաձեռնությունը:
«Այսօր տեղի կունենա Մերձավոր Արևելքի քառյակի հանդիպում: Ռուսաստանը դրա անդամն է», ասել է Բուրգերը:
Հինգշաբթի օրը ՌԴ ԱԳՆ խոսնակ Մարիա Զախարովան հայտարարել էր, որ Ռուսաստանը, որպես ՄԱԿ-ի Անվտանգության խորհրդի մշտական անդամ և Միջին Արևելքի կարգավորման միջազգային միջնորդների «քառյակի» անդամ, «շարունակում է աշխատել հասնել համապարփակ և կայուն կարգավորման` համաձայն ՄԱԿ-ի Անվտանգության խորհրդի բանաձևերի»
